لنتوقف قليلا فقط حتى نستمتع مع ذلك الحوار، كاتبه استمرت مسيرتها خمس سنوات اذا ماذا كانت حياتها.
اسمك..؟
ندا خالد صغير
لقبك..؟
أثيرة بالماضي
سنك..؟
١٦ عام
محافظتك..؟
الفيوم
متي بدائتي كتابه ...؟تقريباً
من وقت ما كان عمري ١٢ سنة
من اكتشف موهبتك وكيف..؟
الموضوع مكنش مين أكتشفها الموضوع كله كان صدفة،
انا وأتنين أصحابي كنا متيمين بأمير الشعراء أحمد شوقي من اللي سمعناه عنه وأشعاره اللي كنا بندرسها حببتنا فيه أكتر ، فجأة لقيت أصحابي بيقولولي أنهم حابين يبقوا زي أحمد شوقي قولتهم طيب عظيم بس مش لما تكبروا الأول، وبعد نقاش كنت بحاول أقنعهم أننا مش هينفع نكتب وأحنا صغيرين ومنعرفش حاجات كتير مقتنعوش وأصروا نعمل مسابقة وهتبقي عبارة عن أن كل واحدة فينا هتكتب قصة ومن هنا لقيت حياتي بين الكلمات والورق.
من قدوتك ..؟
معنديش قدوة محددة لأن الحقيقة أنا بشوف أن كل شخص بيحاول يستاهل يبقي قدوتي.
ما هي انواع الكتابه التي بتكتبيها...؟
أنا بكتب رويات وأسكريبتات وخواطر لكن مش متقنة كتابة القصص.
ما هي اهم إنجازاتك..؟
متقدريش تقولى عنها إنجازات بقدر ما تقدري تقولى عنها محاولات أني أطور من أسلوبي بحيث يبقي متأدب أكتر.
من أول شخص كان ومازال داعم ليكِ..؟
الدعم الأول كان من جهة أحدي معلماتي بالمدرسة والبعض من صديقاتي لكن الداعم المستمر كان من والدتي.
ما هي الصعوبات التي وجهتك..؟
الحقيقة مكنتش صعوبات بقدر ما كانت رهبة من أني أفشل مكدبش هي لسه ملازماني لكن في كل لحظة ضعف بقول لنفسي لو ضعفت دلوقتي كان هيبقي أفضل لو كنت ضعفت من زمان وبكمل بتحدي لنفسي علشان أثبتلها أني مش هفشل.
ما هي الكيانات اللي تتواجدين فيها..؟
كنت موجودة في عدة كيانات لكن فترة الدراسة السابقة جعلتني اتنحي عنها حالياً أنا موجودة في كيان مزايا الروح فقط.
شئ من كتابتك ..؟
يا جميلة الروح يا رفيقة قلبي
أهذا طيفك؟!
أم أن ذكرايتنا لا تزال تطفو فوق كل واقع وحين!
إشتاقت روحي للقاء روحك فهل من لقاء قريب؟
أبقي بجانبي ومعي وجودك قوة لي أنا في بعدك كفراشة بيضاء باهتة، لما لم تعد أيامي ملونة أين أختفت ألوان أجنحتي، لعلها كانت أسئلتي المعتادة قبل اليوم حتي أمس، لكن اليوم عرفت أين أختفت ألواني عرفت اليوم أنك كنتي ألواني ولهذا أختفت حين أبتعدي،
جدتي حبيبة قلبي كل جمال الكون سيكون غير مكتمل ما دمتي لست جزء منه.
إشتاقت روحي إليك واشتق جسدي لدخول بين أحضانك فيا زهرة أيامي أبقي ببستانك وحتي يحن اللقاء لعله قريب يا أقرب خلق رب الخلق لقلبي.
ندا خالد صغير.
ليتني لم أحبك، ليت خفق قلبي لم يكن باسمك، ياليت العيون لك لا تنادي، اللعنة على أذني أسيرة صوتك، واللعنة على عيناي وبريقهما، يا ويل قلبي من الزمان كيف يناديك، يا ويلي أنا والسهر وملامح الزمان كيف كنا نصل بين النجوم لرسم عيناك، كيف للزمان أن يلوم عاشقٍ على عشقه، كان أجدر أن يلام القدر لجعلنا نلتقي.
ندا خالد صغير.
(على الشوق قلوب تتراقص)
ِعدت، أكتبلك إن فراقك لسه كاسرني لسه مبكيني لسه
أكتبلك بدموع عنيا إني إشتقت أكتبلك لو كنت أعرف إن ُبعدك صعب عمري مكنت مشيت
ْأنت على الُبعد َمْعهِدتنيش على الُبعد معودتنيش يبقي اليوم
لُ
جوايا حاجة بتناديك من َبعدك فيا حاجات ماتت من َبعدك أنا إتغيرت َ
فمتسألش إي في غيابك إتغير.
كانت عبارة مكتوبة على وحدة من حوائط الشارع فبصيت لحنين وهدي اللي كانوا جنبي بنظرة فضول
همس: العبارة مؤثرة تري مين اللي كتبها
هدى: سيبك من العبارة ومن اللي كتبها ده كان مجنون يوم ما حبيبته اتجوزت أنتحر.
حنين: إيه اللي بتقوليه ده يهدي ده مكنش مجنون وال حاجة هو كل ذنبه إنه غلط غلطة كبيرة إتسببت إنه خسر حبيبته ومبقاش عنده أمل
في الحياة فحاول ينتحر.
همس: اممممممم يعني هو كده عايش ولا لا.
حنين: اه عايش وبيته قريب من هنا كمان.
همس: طب إحنا نقدر نشوفه
هدي: اه هو قاعد في بيتههمس: طب ما تاجوا نروح نشوف حايته إيه
حنين: بجد ده بيحب أي حد يزوره تعالوا
أخذتنا حنين لبيته دقينا الجرس وبعد دقيقتين الباب إتفتح وظهرلنا راجل في بداية الستينيات من عمره
الرجل: أهلا يا بنات خير
همس: إزيك يا عمو أنا همس ودول أصحابي هدى وحنين كنا حابين نتكلم معاك شوية
الرجل: اتفضلي يا بنتي
دخلت أنا والبنات وقعدنا
هدي: هو مفيش حد عايش معاك هنا يا عمو!
الرجل: لا مفيش يا بنتي أنا عايش هنا لوحدي بقالي أكتر من ثلاثين سنة.
همس: ممكن تحكيلنا إزاي وصلت للمرحلة دي؟
الرجل: أعتقد إنكم عارفين الحكاية
يا عمو إحنا عارفين الحكاية بس بنتمني نسمعها منك لو ممكن؟
حنين: فعلاً
همس: ده لو مش هيدايقك يعني يا عمو.
الراجل: أنا كنت شاب عشريني فتح عينه ملقيش قدامه غير بنت خاله حبيتها وهي كمان حبتني أو كنت فاكر إنها حبتني إتفقت معاها إنها
هتستناني وبالفعل كنت بحاول بكل جهدي علشان أتجوزها بعد الجامعة سافرت وإشتغلت برة علشان أجمع مبلغ وأتجوزها بأسرع وقت
لإن عيلتي كانت علي قد حالها سافرت خمس سنين وكنت كل ما أكلمها كانت تقولي إنها مستنياني وعدتني وعود كتير وخلفتهم كلهم
قالت إنها هتستناني وراحت إتخطبت اليوم اللي رجعت فيه عرفت إن فرحها تاني يوم متحملتش روحت وواجهتها قالتلي إن أبوها أجبرها
توافق قلتلها تهرب معايا رفضت وقتها حسيت أنها بتبع كل حاجة بينا ومش عايزاني وإن خمس سنين ضاعوا من عمري أشتريت الشقة
دي وعشت فيها بس كل حاجة بينا كانت بتطاردني حاولت أنتحر بس كان لسه ليا عمر من وقتها فقت من كل الوهم اللي كنت دافن نفسي
فيه وبدأت أشتغل ومن يومها وأنا عايش في الشقة دي.
همس: أنتَ لسه بتحبها؟
الرجل: أكدب لو قلتلك لا أنا لسه بفتكرها فكل لحظة بس خلاص تأقلمت علي حياتي
نزلنا من عند الرجل وفضل كلامه معلق معايا إزاي كان مخلص كل العمر ده وهي إزاي كان عندها كل القوة دي وإتخلت عن حب
عمرها علشان تحافظ علي ثقة أبوها.
ما هي اول اعمالك..؟
أول أعمالى كانت رواية باسم (خيوط من نار) ودي أنا محتفظة بيها لكن منتشرتش لكن أول عمل نشرته كانت رواية(اثيرة بالماضي) ودي نشرتها على الواتباد
ما اكثر شئ يعطي لكٍ الهام..؟
بتختلف حسب الحالة النفسية أحياناً ممكن الإلهام ياجي من صورة، من مشهد أو حتي من الألوان، شخصية أعرفها وحتي الصمت أحياناً بيبقي إلهام.
ما هي الرساله التي تودين توصيلها للكتاب المبتدئين...؟
الحقيقة أنا كمان يتقال عني مبتدئة فهقولهم نفس الجملة اللي بقولها لنفسي لو هتغرق هنا كأن أفضلك تغرق على الشط.
هل يوجد رساله شكر تودين توصليها لشخص معين وما هي الرساله..؟حابة أوصل رسالة شكر لرفيقتي (بسمة أمل) لأنها كانت داعمة لى وملهمة مؤثرة جداً في الفترة الأخيرة.
محرره:جاسمين ممدوح
المؤسسه:اسراء علي
جريده:كلمات من ذهب.
بجد ميرسي يا جاسمين على المقابلة اللذيذة دي 🤍🤍
ردحذفحياتي ألف مبروك تستهليها 😍مبروك يا جميلتي
حذف😘😘😍
حذف