لما الشمس تغيب، بيرجع قلبي يبكى من جديد، وعيني تدمع، وقلبي يدمر، وكل حاجه تبدأ تتعاد، كل الحزن وكل الأسى، وكل الهم اللى لسا ما تنسى، كل الجرح، وكل الخيانه، كل الندم، وكل العذاب، كل كلمه فيها عِتاب، وأما الشمس تغيب، بيرجع قلبي ينادي عليك من بعيد، ويقولك ارجعلي، طمنى تعالى خدنى و احضني، ويرجع الوجع، وتعب الفراق، والجرح اللى لسا ماطاب، وكل كلمه فيها اتوجعت، وكل كلمه فيها اتقهرت، ترجع عيني تبكي، وقلبي يشكي، عن كل اللى فات، عن الفراق والذكريات، عن كل لحظة عشتها جنبك، وانا دلوقتي المشتاق عن كل حضن، وكل همسه، وكل لمسه، عن حياه أتعدمت بالفراق، عن اسم راحت معاه كل الحجات، كل الفرح، كل اللى فات، عن حبيبي اللى سبني، وخلى قلبي مات، عنك لما كنت تفرح كان قلبي يفرح، وأما كنت تحزن قلبي يحزن، لسه بموت فى بعادك، حتى صوتك مش لقياه، لما بتوحشني بشم ريحتك فى المكان، وكان نسيم هوا جاي من عندك لمكانى، وكأني شيفاك قدامي، وأنت اصلا بعيد عن عيني، وكأني برسم ضحكتي على نبره صوتك، وفرحتك على رئت كسوفك، وخنقتك لما كنت كنت تغير كان اجارك الله تحس أن نار ولهب فى قلبك اشتعل، كنت بحس معاك بالأمان، كنت سندي وضهري كمان، ولما بعدت أنا انحنيت، وانزليت، مبقتش حسه بيومي، كل اللى حاسه بيه هو كوم همومي، كنت جنبي كنت ملاك، بعدت عني بقيت محتاج محتاج لصوتك، ولقلبك، محتاج لكل كلمه بتطلع منك، محتاج ليك جنبي، تحضني تطمني تنسيني حزنى، كنت عمرى ما بدمع جنبك، ولما بعدت عيني اتعمت من كتر وجعك، ارجعلي يا حبيبي انا محتجالك جنبي.
#سلمى سعد
جميلة يا سمسمتى❤❤❤❤❤❤��
ردحذف