لكل منا موهبة لا نعرفها ولكن يأتي الوقت المناسب ونكتشف هذه الموهبة ونبدأ فى السعي وبذل أقصى ما لدينا لأجل تحقيق الهدف والحصول على أعلى المراكز فى مجالنا وهذا الموهوب مجاله كتابه الشعر فالنبدأ بمعرفة معلومات عنه..
س١/ تكلم عن نفسك وكم المعاناة التي صادفتك ف هذا المجال!؟
_منصور عبودة محمد ..
٢١سنة.. من مركز بلقاس_ المنصورة
طالب بكليه التربية قسم اللغة العربيه جامعة المنصورة..
بدأت كتابة الشعر من الصف ال٣ الثانوي..
وتطورت كتاباتي ف خلال اخر سنه بالتحديد
واجهت انتقادات كتير جداً ودعم كتير ف نفس الوقت وان شاء الله الحلم مش هيموت
ومتديش ودنك للناس خالص بقارن نفسي بنفسي وبس وان شاء ربنا هوصل.
س٢/ من اول الداعمين اليك
وهل استمروا ف هذا الدعم الى الان؟
_أول الداعمين والدي ووالدتي ومن بعدهم اخواتي واصحابي ربنا يديمهم يارب..
س٢/ ما هو اول انجاز حققته!؟
وكيف كان شعورك!
_أول إنجاز كان مع أول قصيدة اكتبها واخلص آخر حرف فيها كان احساس حلو اوووي ومن بعده كان اول حفله ليا واول ظهور ليا ع مسرح مكتبة مصر العامه بالمنصورة..
س٤/تكلم عن بعض الكيانات/المبادرات التي قامت بمساعدتك للوصول الى هذا المكان!؟
_العديد من الكيانات والكُتاب زي( مملكه الكتاب_مؤسسة مرساه )
تيم خطوة بقيادة المبدعة اللي بعزها(منى فؤاد)
تيم ع القافية وده ليه شكر خاص واخويا (فرج البنا )الحريف.. اللي مكانته كبيرة ف قليي ومكانه كبير ف المجال والله ..
س٥/ هل وقفت ع مسرح قبل ذلك!؟
وما كان شعورك فى اول ظهور لك؟
ظهرت ف اربع حفلات ف مكتبة مصر العامة ومسرح الربع الثقافي بالقاهرة..
شعور المسرح احساس مختلف جداً ملوش وصف وحلاوة الجمهور والناس اللي بتدعمك لطيف جداً
س٦/ متى اكتشفت موهبتك
وما هى اول خطوة بعد اكتشافك لهذه الموهبة؟
_اكتشفت الموهبه ف سن ال١٨ سنه وتم تنميتها من سنه واحدة ..
واول خطوة اللي لسه مكتملتش بس عن قريب هتكتمل وهو طباعة الديوان الاول بإذن الله..
س٧/ من هو قدوتك ف مجالك ولماذا!؟
_عمرو حسن _هشام الجخ
فارس قطارية_فرج البنا..
س٨/ هل البيئة التي تعيش فيها كانت الداعم الكبير لك ام العائق امام الوصول لحلمك؟
_لم ولن يقف عائق امامي بإذن ربنا..
س٩/ ماذا تعلمت عندما بدأت فى هذا المجال؟
اقارن نفسي بنفسي وبس مش بأي حد واتمني الخير للكل واساعد كل حد يحتاج للمساعدة
وماشي بمبدأ (وفر ع غيرك الطريق اللي مشيته ف الف خطوة خليه يمشيه فخطوتين)
س١٠/ ما هى اهدافك وماذا ترى نفسك بعد خمس اعوام من الان؟
_اهدافي كتير والله وان شاء الله بعد خمس سنين هكون انا برده بس زدت خبره ٥سنين ضغط وتعب وفرح وكل حاجه ومشاكل كتير
وبإذن الله هكون اكيد وصلت لجزء من احلامي
وهكون برده مش فاقد للأمل ..إذا أحيانا الله.
س١١/ ما هى اهم النصائح التي كانت الداعم الرئيس لك؟
ساعد غيرك ربنا هيوفرلك ناس تساعدك..وحصل
متسمعش لإحباط أي حد مهما كان وهتوصل.
اقرأ كتير واجتهد وربنا مبيضيعش تعب والله..
وقبل انهاء هذا الحوار نريد ان توجه نصيحه للغير!؟
اتمنى الخير للكل نجاح الشخص مش هياخد من نجاحك خالص والله كلها أزاق ومكتوبة ي صاحبي
واجتهد واقرأ كتير وف كل الفروع وان شاء الله هتحس بالتطور..
ها الان الحوار قد انتهي بعدة نصائح واقوال تفيد الغير
بقلم الصحفية ومؤسسة الجريدة اسراء على ابراهيم
تعليقات
إرسال تعليق