لكل منا موهبة لا نعرفها ولكن يأتي الوقت المناسب ونكتشف هذه الموهبة ونبدأ فى السعي وبذل اقصي ما لدينا لأجل تحقيق الهدف والحصول على أعلى المراكز فى مجالنا وهذه الموهوبة مجالها الكتابة فالنبدأ بمعرفة معلومات عنها..
س١/ تكلم عن نفسك وكم المعاناة التي صادفتك ف هذا المجال!؟
شرين شريف محجوب
١٦ سنه شاعره و كاتبه
بلقى شعر من ابتدائيه لكن كتابه من اعدادى ومازلت مستمره الحمدلله
بالنسبه ل المعناه ف المجال
خاصة او اى مجال بصفه عامه بتحتاج بطريقه او بالتانيه انك تبعد عن الناس والمجتمع لانى حقيقى ف وجدهم هتفضل مكانك ممكن تكون المعناه الوحيده او السبب الوحيد اللى زعلنى انى بعدت عن اكتر الناس اللى بحبهم ودا بسبب انى مكنتش هعرف اكمل ف وجدهم اى مجال ف الدنيا محتاج وقت ومجهود وطاقه وانا اخترت انى ابذل طاقتى و وقتى ومجهودى ع شكل انجازات وبقيت لوحدى بس يوم عن يوم بكون افضل من الاول والفضل ل ربنا ثم بابا
س٢/ من اول الداعمين اليك
وهل استمروا ف هذا الدعم الى الان؟
كان معايا مدرسه من ابتدائى كانت بتدعمنى من سن ٨ و٩ سنين فضلت مكمله معايا ول دلوقتى هى مصدر الهامى اصلا ((استاذه ايمان عبدالله ))كانت اول حد يشجعنى وياخد بايدى ل الطريق دا و حقيقى ممتنه ليها جداا و لتعبها معايا .
عمتى اخت بابا رغم فرق السن اللى بينا لكن طول عمرها كانت اختى وصحبتى ((ايمان عبدالواحد )) هى السبب ل كونى مكمله ف الطريق دا او اى حاجه كويسه ف حياتى مش بس علمتنى اقرأ كتب واكتب شعر و خواطر لا هى اصلا اللى علمتنى الحروف اكتر حد تعب معايا ف حياتى واكتر حد يستاهل الشكر بجد لو وصلت ف يوم ل اى مكان ف دا بفضلها اكيد انا ومالا زرعة أثمرت برعيتها وحابه اشكرها جدا هى اه مش موجوده لكن لسه بحبها زى الاول واكتر ولو فضلت اتكلم عنها عمرى كلو والله ما هيكفى .
و بابا اللى كمل معايا واخد ايدى وكمل معايا الباقى من الطريق ولسه هيكمل ان شاءالله
س٢/ ما هو اول انجاز حققته!؟
وكيف كان شعورك!
اول انجاز ف الوسط الادبى ليا وف المجال دا لما الدار اعلنت عن كتابى وقبلتو وبدات ف الطباعه شعور بجد مش هقدر اوصفو كان حلم حياتى اسمى يبقا ع صفحه من كتاب ولما بقا الكتاب كلو احساس انى فخوره بنفسى كان لا يوصف احساس انى بعوض و لو جزء بسيط ل اهلى مشاعر كتير بجد ول الامانه اجمل شعور حسيتو ف حياتى ومش هبطل اشتغل ع نفسى لحد ما اكون اكبر من كدا.
تانى حاجه لما جالى عرض قناة الصحه والجمال حقيقى كنت فرحانه جدا و مش مستوعبه الصدمه والفرحه و الخوف مكنتش مصدقه بجد كان ولما طلعت ف برنامج مواهب من مصر حسيت انى موهبه بجد حقيقى كان احساس حلو اووى و الاجمل انى مبطلتش وان شاءالله هكون اجمل من كدا و القادم افضل
س٤/تكلم عن بعض الكيانات/المبادرات التي قامت بمساعدتك للوصول الى هذا المكان!؟
اول مبادره شاركت فيها ف اربع كتب مبادرة (شمساً لا تغيب) و دى كانت السلمه اللى وصلتنى ل اللى انا فيه الوقتى وبعدين كيان (خربشه ع ورق )شاركة فيه كتاب لياالى الشتاء وبعدين كيان (روح عازفه) شاركة فيها ب كتاب انين الزمان ومبادرة (شموع سوداء) شاركة فيها بكتاب دموعى تتحدث وكيان( ملاك ) شاركت فيه ب كتاب فراق لا ينتهى و مبادرة ((حقق حلمك)) واللى هعمل فيها عظمه ان شاءالله ليا كتاب تحت اشرافى فيها و هعلن عنو ان شاءالله بعد العيد وكيانات ومبادرات كتير جدا كانت سبب ف انى اكون كدا ول الحقيقه شكرااا ل المؤسسين جدااااا لانهم حقيقى بيتعبو
و كل الشكر والتقدير بجد ل معرض Talent show اون لين المواهب ساعدنى بشكل كبير جدااا وبطرق كتير والمشرف ع كتابى المنفرد وبجد المعرض كان ورقه رابحه ف طريقى ومش هبطل اتعامل معاه وشغلى كلو باذن الله هيكون اشراف المعرض وحقيقى مش عارفه اقول اى وصاحبة المعرض حد مجتهد جداا وتستاهل انى اشكرها بجد ل تعبها ومجهودها معايا .
س٥/ هل وقفت ع مسرح قبل ذلك!؟
وما كان شعورك فى اول ظهور لك؟
مسرح سبق و وقفت عليه قبل كدا وأنا صغيره لكن المختلف دلوقتى انى هقف عليه ف حفله ليا فيها شغل
تبع حقق حلمك و دى اقرب حفله هقف فيها ع مسرح وبعدها فيه حفالات تانى كتير لكن دى اقربهم
س٦/ متى اكتشفت موهبتك
وما هى اول خطوة بعد اكتشافك لهذه الموهبة؟
ف القاء الشعر من ابتدائى من لما القيت قصيدة لما جيت اكتب عن امى بعدها حسيت انى دا مكانى بجد بدات القى شعر كتير ف المدرسه ومن هنا كان دور ادارة المدرسه واستاذه ايمان هى اللى كملت معايا ولولاها مكنتش هعمل حاجه
اما بالنسبه ل الكتابه اول قصيده كتابتها كانت ل بابا ف ابتدائى بردو ثم قصيده عن مصر وبعدها عن الرسول لكن كملت ف اعدادى
س٧/ من هو قدوتك ف مجالك ولماذا!؟
انا بلقى شعر عامى وفصحى وبكتب عمى وفصحى شعر و خواطر ونصوص ف الشعر العامى هشام الجخ يمكن كان سبب ف انى احب الشعر اوى كدا
فصحى كل الشعراء القدام و ع راسهم نزار قباني وأحمد شوقى و دلوقتى انيس شوشان
لكن ف الكتابه بما انى كتابى حلقة وصل بين تطوير الذات و رويه ف احب اقول انى بقدس رويات الكاتب الفرنسى فيكتور هوجو و تطوير ذات الكاتب فهد عامر الاحمدى أشهر كاتب ف الشرق الاوسط
س٨/ هل البيئة التي تعيش فيها كانت الداعم الكبير لك ام العائق امام الوصول لحلمك؟
كانت دعم كبير جدااا ليا بغض النظر انى رميت كلو ورايا ومبصتش غير ل اهلى لانهم كانو اكبر دعم ليا و لو هتكلم هتكلم عنهم بس فخورين بيا جدا وبأنجزاتى وانى ف السن الصغير دا لكن وصلت ل هنا واقدر اعمل اكتر من كدا ف حقيقى هما سبب كبير جدااااا ف رحلتى ويستهلو الشكر بجد
س٩/ ماذا تعلمت عندما بدأت فى هذا المجال؟
اتعلمت انى مركزش مع حد انا بمعنى الكلمه رميت الناس ورا ضهرى ومبصتش غير ليا وهفضل اعمل كدا دايما لانى محدش هيساعدنى ولا حد هيفدنى ف حاجه ف بجد اللى اتعلمتو انى اكمل طريقى لوحدى نجحت افتخرو بيا فشلت ل نفسى و هحاول تانى
س١٠/ ما هى اهدافك وماذا ترى نفسك بعد خمس اعوام من الان؟
الكتابه والشعر ما هما الا هوايه وحاجه بجمل بيها حياتى لكن هدفى الحقيقى دراستى وعمرى ما هنسى دا ف يوم من الايام ممكن اكون بقصر فيها او سبق وعملت كدا لكن شايفه نفسى ف هندسه وهكمل ف هوايتى وحلمى وهكون شاعره ليا مكانتى وكاتبه تُحترم ف يوم من الايام باذن الله
س١١/ ما هى اهم النصائح التي كانت الداعم الرئيس لك؟
اى نصيحه كملت بيها ف حياتى ف هى من والدى انا مسمعتش نصايح غير منو لانى ببساطه محدش خاف عليا لدرحة ينصحنى غيرو دايما بيفهمنى انى عندى رساله لزم اوصلها وانى مش زى حد ودا اللى كملت بيه انى حقيقى مش زى حد وادينى اهوه مختلفه وقدرة اكون ل نفسى واشتغل ع نفسى
وقبل انهاء هذا الحوار نريد ان توجه نصيحه للغير!؟
لو ف فحياتك اى حاجه هتعطلك انك تنجح ابعدها عن طريقك حتا لو اقربهم ليك لانى دا سم ف عسل زى ما بيقولو اتعلم تشتغل ل نفسك وانسى انك هتنجح علشان حد ابعد عن الناس وصاحب المكتابات والكتب هما دول طريق النجاه بجد
ها الان الحوار قد انتهي بعدة نصائح واقوال تفيد الغير
بقلم الصحفية ومؤسسة الجريدة اسراء على ابراهيم
تعليقات
إرسال تعليق