"حوار صحفي مع المُبدعة ألاء العبيري"

 نهاية ديسمبر العظيم

إحدى الجلسات الواقعية

"ديسمبر يقتل الحب"

بقلم: ميار سليمان

ثم قال: إنها تكون موطِني، هل تفهمين ماذا أعني بِموطِني؟ أعني أنني مهما تَركتِها سأعود لها رغمًا عني؛ لأنني في بُعدي عنها كالمُغتَرِب عن وطنهِ، وهذا ملاذي الذي يحميني مِن بشاعة الكون، هل ستبقين معي!

وبعد تنهيدة بداخلها وجع قال: "عارفه أنا عافرت عشانها قد ايه، ده أنا روحي خلصت وحبي ليها مخلصش، أنا موجوع اوي، حاسس إن روحي هجرتني لما هي مشيت وقررت البعد، فوقتها افتكرت أُم كلثوم وهي بتقول: "وكان أطول خصام بينا يادوب في يومين.. يادوب في يومين.. خصامنا ليه النوبة دي زاد وخلى الخطوة بينا بلَاد!".

رجع قال: "حتى الهروب منها مينفعش غير بيها، أنا هربت من كل حاجة حتى نفسي، وروحت ليها ويوم ما أمسكها تروح تضيع مني! هي هتهجر صح، طيب قولي إنها مش هتضيع، أنا ما صدقت لقتها، أنا استنتها ٢٠ سنة من عمري، أنا دلوقتي بقيت حاسس إن وجع السنين بيطلع من عضمي، ده حتى الوجع اتوجع من حبي ليها، بقالي ٢٠ سنة بحاول أنسى، لا أنا مش بنسى، أنا بتناسى، بعمل نفسي ناسي عشان أعرف أعيش، ومعرفتش أعيش برضو، البعد والهجر قتلوني، بس برجع وأقول وجودها في الحياة حتى لو بالبعد ده سند كبير ليا! 

- معرفتش تحب غيرها طول السنين دي؟

 

- لا، هي اتحفرت جوايا، أنا قلبي مغفلش عنها أبدًا، بس هقول ايه غير إن "أهل الحب صحيح مساكين".

افتكرت وقتها الست لما قالت: "كان لك معايا أجمل حكايه في العمر كله.. سنين بحالها ما فات جمالها على حب قبله.. سنين ومرت زي الثواني في حبك أنت.. وإن كنت أقدر أحب تاني.. هحبك أنت..

كل العواطف الحلوة بيننا كانت معانا حتى في خصامنا.. وازاي تقول أنساك وأتحول وأنا حبي لك أكتر من الأول وأحب تاني ليه واعمل في حبك ايه.. دا مستحيل قلبي يميل ويحب غيرك أبدًا.. اهو ده اللي مش ممكن أبدًا".

- عارفه يا بنتي، أنا حاسس إن دي الساعات الأخيرة ليا، أنا زمان كنت بنزف من الجوع دلوقتي النزيف تحول جوايا لدم.. أنا عارف إنها آخر ساعات ليا، لو كل اللي رحلوا عنا كانوا موجودين دلوقتي مكانش فيه لا بعد و لا هجر، بس دايمًا الموت بياخد الكويسين ويسبلنا الوحشين، احنا عايشين في غابة كلها وحووش، حافظي على اللي باقي منك.