لكل منا موهبة لا نعرفها ولكن يأتي الوقت المناسب ونكتشف هذه الموهبة ونبدأ فى السعي وبذل اقصي ما لدينا لأجل تحقيق الهدف والحصول على اعلى المراكز فى مجالنا وهذه الموهوبة مجالها الكتابة فالنبدأ بمعرفة معلومات عنها..
س١/ تكلم عن نفسك وكم المعاناة التي صادفتك ف هذا المجال!؟
كتير مع إني بكتب من سنه بس تقريباً، فى كتير من اللي حواليا قالولي بطلي ولأن الكتابه مش هتفيدك بحاجه بس رفضت وكملت واشتركت فى كتب ورقى وإلكترونى برضوا...
س٢/ من اول الداعمين اليك
وهل استمروا ف هذا الدعم الى الان؟
واحده صحبتي اسمها "ندى" وبعض أصدقائي برضوا بس الآن قليل فقط اللي بيشجعونى أكمل.
س٢/ ما هو اول انجاز حققته!؟
وكيف كان شعورك!
أول إنجاز إني شاركت فى كتاب "على حافة الحياة" ودا كان أول كتاب ورقى أشارك فيه وحقيقي حسيت إني عملت إنجاز ولو صغير.
س٤/تكلم عن بعض الكيانات/المبادرات التي قامت بمساعدتك للوصول الى هذا المكان!؟
كيان غروب شمس للارتجال أول كيان انضميت ليه ، كيان يقين ، كيان ملهم، كيان أفانين ، كيان طيف ، كيان ديجور،. أفضل الكيانات حقيقي اللي دخلتها واستمروا بتشجيع كل اللي فى الكيان وكلامهم مشجع وملهم بجد..
س٥/ هل وقفت ع مسرح قبل ذلك!؟
وما كان شعورك فى اول ظهور لك؟
لأ مجربتش بس اول حفله هروحها قريب فى كتاب مشاركه فيه برضو بس أكيد إحساسي إني هبقي فرحانه،
س٦/ متى اكتشفت موهبتك
وما هى اول خطوة بعد اكتشافك لهذه الموهبة؟
أول مره فى كيان غروب شمس للارتجال أول ارتجال كتبته فيه بعدين بدأت أطور كتابتي بشكل كويس وبحاول على قد ما أقدر أحسن من كدا ،
س٧/ من هو قدوتك ف مجالك ولماذا!؟
فى الكتابه مش عندي قدوه الحقيقة بحاول أبقي قدوة نفسي فى المجال لحد ما أوصل لهدفى،
س٨/ هل البيئة التي تعيش فيها كانت الداعم الكبير لك ام العائق امام الوصول لحلمك؟
مش دايمًا البعض كان بيشجعني والبعض كان بيحبطني بس مع ذالك استمريت وهستمر لحد ما أول بإذن الله ،
س٩/ ماذا تعلمت عندما بدأت فى هذا المجال؟
تعلمت إنك دايمًا انت الداعم لنفسك ومش الكل هيبقي جنبك وقت ما تبقي محتاج دعم منهم وإني أقدر أوصل لهدفى بالاستمرار ،
س١٠/ ما هى اهدافك وماذا ترى نفسك بعد خمس اعوام من الان؟
الحقيقة مش عارفه بس اكيد هبقي حققت وقتها جزء كبير من حلمى وعملت إنجاز فى حياتى أفرح بيه،
س١١/ ما هى اهم النصائح التي كانت الداعم الرئيس لك؟
استمرى علشان انتي كتابتك مميزه لأنك بتكتبي اللي بتحسي بيه مش مجرد كلام بس وأكيد هتوصلى لحلمك،
وقبل انهاء هذا الحوار نريد ان توجه نصيحه للغير!؟
أهم حاجه الإستمرار دايمًا هتواجه مشاكل وهتقرر تسيب المجال بس دا غلط دى حاجة بتحبها فلازم تسعى علشان تحقق هدفك وحلمك وأكيد كل كاتب/ه يقدروا يوصلوا طول ما هما واثقين بنفسهم مش اللي حواليك..
ها الان الحوار قد انتهي بعدة نصائح واقوال تفيد الغير
بقلم الصحفية ومؤسسة الجريدة اسراء على ابراهيم
تعليقات
إرسال تعليق