لكل منا موهبة لا نعرفها ولكن يأتي الوقت المناسب ونكتشف هذه الموهبة ونبدأ فى السعي وبذل اقصي ما لدينا لأجل تحقيق الهدف والحصول على اعلى المراكز فى مجالنا وهذه الموهوبة مجالها الكتابة فالنبدأ بمعرفة معلومات عنها..
س١/ تكلم عن نفسك وكم المعاناة التي صادفتك ف هذا المجال!؟
ج_إسمي: نـدي شعيب "سيـندريلا"
السن: ٢٢ سـنه
الهوايات: الكـتابه والديزاين
_المعاناه إللي قابلتها في المجال كانت قلة الدعم والمساندة ، بس دا مقللش من إصراري إني أنجح وأثبت نفسي في الحاجه إللي بحبها وإني مستسلمش من أول الطريق وطبعاً دا كان بسبب إن ف ناس حواليا مؤمنه باللي بعمله وشايفه إن ليا مستقبل.
س٢/ من اول الداعمين اليك
وهل استمروا ف هذا الدعم الى الان؟
ج _خطيبي "أشرف سراج"
كان أول داعم ليا ومازال بيدعمني وبيحفزني إني مستسلمش وإني أحقق حلمي مهما صادفت من عوائق أو تقليل من حلمي أو إنتقاد دايما بيدفعني للأمام علشان أنمي مهاراتي وأقدر أحقق المكانة إللي المفروض أكون فيها
س٣/ ما هو اول انجاز حققته!؟
وكيف كان شعورك!
ج _أول إنجاز حققته كان مشاركتي في كتاب "أسرار قلوبهن"
شعوري : كنت فرحانه جداً بالإنجاز إللي عملته ودا حفزني أكتر إني أخد خطوه جديده في إني أظهر كتاباتي للناس وإشتركت بعدها في الجريده.
س٤/تكلم عن بعض الكيانات/المبادرات التي قامت بمساعدتك للوصول الى هذا المكان!؟
ج _أنا مشتركتش في كيانات أو مبادرات أنا بدأت لوحدي ووصلت لوحدي.
س٥/ هل وقفت ع مسرح قبل ذلك!؟
وما كان شعورك فى اول ظهور لك؟
ج _لا لم يسبق لي الوقوف علي مسرح
س٦/ متى اكتشفت موهبتك
وما هى اول خطوة بعد اكتشافك لهذه الموهبة؟
ج _إكتشفت موهبتي من ٦ سنين سنه ٢٠١٧
أول خطوه أخدتها إني بدأت أكتب وأنمي موهبتي أكتر وبدأت أكتب روايات وخواطر وكنت بحتفظ بيهم لنفسي.
س٧/ من هو قدوتك ف مجالك ولماذا!؟
س٨/ هل البيئة التي تعيش فيها كانت الداعم الكبير لك ام العائق امام الوصول لحلمك؟
ج _لا بصراحه كانت عائق في الوصول لحلمي ومازالت كذلك.
بس دا ميمنعش إنو كان تحدي بالنسبالي إني أوصل وأتطور في الكتابه أكثر وأكثر لحد ما أوصل للي أنا فيه دلوقتي.
س٩/ ماذا تعلمت عندما بدأت فى هذا المجال؟
ج_قلمي هو صديقي الوحيد
وبعد أن دخلت في مجال الكتابة تغيرت نظرتي للأمور ، أصبحت أري الامور من وجهة نظر أخري .
إستفدت أنني عرفت الكثير عن نفسي "نقطه ضعفها ، نقطه قوتها ، عرفت حقائق كثره حول شخصيتي لم أكن أعرفها"
قدرت إني أعرف قيمه نفسي كويس جداً.
س١٠/ ما هى اهدافك وماذا ترى نفسك بعد خمس اعوام من الان؟
ج_أهدافي إني أكون كاتبه مشهورة ومحبوبة
كتاباتي تكون قادره تلمس قلوب الناس
وقادره توصل لمشاعرهم وتوصف إحساسهم اللي مش قادرين يوصفوه
وأكون قدرت أحقق حلمي في إني يكون ليا كتب منفرده بإسمي .
بعد خمس سنين شايفه إني هكون قدرت أحقق ولو جزء من أحلامي دي إن شاء الله.
س١١/ ما هى اهم النصائح التي كانت الداعم الرئيس لك؟
ج _إني مبصش ورايا ومسمعش لكل كلام الناس السلبي اللي يرجعني عن طريق نجاحي مش يدفعني للأمام .
كمان إني مكنش مكسوفه أو محرجه إني أظهر كتاباتي للنور لأن دي كانت من ضمن العوائق ال صادفتني
إني كنت خايفه وقلقانه ومتردده دايماً إن ال بكتبه ميعجبش الناس .
وقبل انهاء هذا الحوار نريد ان توجه نصيحه للغير!؟
ج _هو في النهايه أنا حابه أشكر كل شخص دعمني وشجعني وحابه أشكر خطيبي والكاتبه هاجر علاء صديقة عمري لأنهم أكتر ناس تعبوا معايا علشان أثق في نفسي وأكتب من جديد
ونصيحتي لغيري ..
_متيأسش مهما قابلك عقبات وعوائق مهما إتقالك كلام سلبي أو إستهزاء باللي بتعمل مش شرط تكون كاتب علشان تفتخر باللي بتعمله وتصمم علي نجاحك إنجح في مجالك مهما كان إي هو ومتديش فرصه لحد يحبطك ويخفض من معنويات ويقلل منك
إنت عظيم ..
"وأود أن أخبرك أنك قويُ بنفسك ولا تحتاج لأحد والعودة دائما أعظم بعد فتره اليأس ..
الفشل ليس نهاية حياتك ، الفشل ما هو إلا باباً جديداً تعبر من خلاله لتغيير مسار حياتك القديمة وتبدأ من خلاله حياة جديدة أكثر نضجاً ووضوحاً وقوة ، الأمل هو الوسيلة الوحيدة لإكمال حياتنا ببساطة بعد كل صدمة من صدمات الفشل"
ها الان الحوار قد انتهي بعدة نصائح واقوال تفيد الغير
بقلم الصحفية ومؤسسة الجريدة اسراء على ابراهيم
تعليقات
إرسال تعليق