نَص شِعري بِعنوان/حال الدنيا.
في قاعده صفا ولوم وعتاب
لقيتني زي طير طاير في السحاب
قومت مشيت وأنا وِسط الناس!
قابلت أشكال وألوان
عرفت الغدر والخذلان
مشيت ومشيت كمان وكمان!
قابلني عمي "محمد"ومراته الحاجه"نوال"
في ضحكه بسيطه شدتني ونسيت أحزاني في أوان
ازيك يا بنت الخال الدنيا معاكِ عال العال ولا أي الاحوال؟
ضِحكت ضِحكه من حِزني
نسيت شويه أي ألمي
وقولتله والله أنا عال العال
ازيك أنت وأزاي عيالك يا حاجه نوال؟
وبنتك محروسه وبنتك دلال؟
راحت سكتت شويه وقالت والله يا بنتي الدنيا مش ناويه علىٰ راحه البال
رديت عليها وبدمعه وأي ياعني ما دا الحال!
قعدت شويه وياهم وكانت قاعده تريح البال
عايز حاجه ياعم محمد وياست الحاجه نوال؟
سلامتك يا بنتي يارب تكونِ دائمًا رايقه وفي أفضل حال
في وِسط طريقي لقيت بنتين حلوين وجُمال
شوفت في عينهم حنيه وحاجه فوق الخيال!
زادوا الحلوين واحده وعلىٰ شط البحر قاعدين فـِ هداوه
بنواسي بعض برقتنا وكلامنا اللِ يهز جبال
نسمه هوا بتهف
موج البحر بيلف
وإحنا الحال هو هو الحال!
قابلنا اشكال وألوان
ناس مبسوطه ومتهنيه وناس الجوع ملىٰ عينهم بـِ كُل الاوان
جروح ملهاش علاجات
الهموم كل يوم بتزيد
النار كل يوم بتقيد
والدُنيا لسه حالها بدون عنوان
والله لو بـِ إيدي لغير الحال من حال إلىٰ حال
كملت ومشيت في طريقي لقيت زغروطه من بعيد!
البت عبير بنت الحاج بدير جالها عريس من ناس مبسوطه ومتهنيه!
قربت شويه من امها لقيتها مبسوطه وبضهما
خلاص هتبقي عروسه وهتهدي الارض بـِ رنه خلخال
تستاهلي الخير يا بت عبير وابوكي الحاج بدير
كملت طريقي ومشيت لقيت الدنيا مش عيد!
ما بين ناس مقهوره وناس جواها الفرحه معموره
دا حال الدُنيا وهنفضل ع الحال لبعيد وبعيد.
لـ/إهـــداء أحــمد.
تعليقات
إرسال تعليق