كتبت: مريم إبراهيم
حوارنا اليوم مع فتاة واجهت العديد من الصعوبات في بداية الأمر ولم تيأس، بل كانت تتصدى لكل الصعوبات تميزت في مجالها، لم تعرف معنى الفشل، تسقط وتقف، ولأن لديها عزيمة وإصرار تفوقت في مجالها فدعونا نتعرف عليها.
ممكن في البداية تعرفينا على حضرتك؟
أشجان عبدالفتاح سلام
اللقب :غزل
٢٠سنة
من المنوفية مركز الشهداء
ماهي موهبتك، ومنذ متي بدأت تلك الموهبة، وكيف نميتها، وما أول نص قمتِ بكتابته؟
الكتابة وإلقاء الشعر، كان نص تراث (حكاية سيدنا يوسف وموسى)
من الذي يدعمك، وهل تود أن توجهه رسالة له؟
الداعم ليا هو أنا.. اكتر واحده تشجع نفسها الصراحه ولو في فـ صحاب سوشيال
اهاا في ناس معينة ممتنة لوجودها وممتنه ليهم أوي وحقيقي اكتر ناس بتشجعني في أوقات كتير كنت باخد القرار اني اعتزل خالص بس هم لا شايفين مستقبل غير اللي انا شيفاه
وأخيرًا بشكر طموحي وثقتي إني هوصل لحاجه قريب إن شاء الله
هل تعرضتي للنقد، وكيف تغلبت عليه؟
انتقاد ! اهاا كتير اوي بس مش ع كتاباتي على اني أوقف كتابه خالص بسبب ناس تانيه تاخد مكاني فـ كان نظام تهديد مش انتقاد
من كاتبك/شاعرك المفضل، ومن من الكتاب/ الشعراء تود أن تكون على تواصل معه؟
الكاتب :عمرو عبدالحميد
الشاعر: هشام الجخ_نورا عايد_ عبدالرحمن بيبرس_احمد ناصر _احمد راجح.
أود أن أكون على تواصل مت
هشام الجخ وعمرو عبدالحميد ولو امكن أميرة البيلي عايزه اقولها حاجه.
ما هي انجازاتك؟
1_كنت من مؤسسي مجله الفكر العربي واعتزلت عنها من فترة
_ مسكت ليدرز تصحيح وشرح في كيانات كتير
_ وعملت كيانات خاصه بيا
_كنت بعلم ناس الكتابة واساسياتها وعلمت فترة الإلقاء
_اخدت من كل ده شهادات كتير منها كَـ كاتبه ومنها كَـ ليدرز بمراكز الحمدلله.
_اتعمل معايا كذا حوار صحفي، ونزل ليا كتابات في كذا مجلة
ماهي الرسالة التي تود أن توجهها لأصحاب المواهب؟
رسالة!
النجاح مش ريتش ع نص كتبته أو شوية كلام اتقالوا النجاح مش بكلام الناس (الله-عاش- حلو- جميل- انت من عالم تاني) والكلام ده لا ، النجاح فعلًا انك تكون مؤمن ايمان كامل بموهبتك حتى لو اللي قدامك مش معترفين بيك، يكفي أنت معترف بنفسك، يكفي تكون راضي عن اللي كتبته، دا لو واحد بس معترف مؤمن بيك وبموهبتك افضل من مليون بيطبلوا لغيرك
أنت/ي موهوب ثقتك بنفسك هي بس ، بس اللي هتوصلك للنجاح
شىء من كتابتك؟
خدي النص الاقرب ليا الفترة دي.
وشي اللي نبّت م الزمن علشان
قلبي الحزين مخزون كبير م السرد
اصبحت تايه في الحياه من غير سبب
يا ربنا عيل بيصرخ من وجع قلبه
ساعده أنه يرجع للصفاء تاني
قلبي اللي شقق من زمان تايه
أصبح خراب من جرح قواني
أبوك يعقوب مأمن للحداشر ديب
لكن بمكر عجيب القوا العزيز في البير
ربك أراد الوصل بين قلبين
بعد أما صابه العمى بالعين
عمى و عِكاف
سَبعٌ عِجاف
والشوق قرار محسوم بيجمعهم
ست الجمال حسناء بلاد الشرق
هيهات يا فتى أحضر
قلبي اللي رايدك والشيطان سفاح
كسر البيبان سبعٌ سِمان
يشهد صبي على غدرها من الخلف
*إني أردت الكيد منك بحُرمتي*
*ومكثتٌ بالاعوام أسعى للسماح*
شوفتوا زُليخه زمان عن عشقها ليوسف !
30 سنة مستحملاه بالذنب
30 سنة متحاوطه بخطيئة
وانا عندي علم اكيد إن أنت مش يوسف.
إني نسيت القلب جنب اليَّم
سرح الطريق غرقان حنين قاتل
شوف السبيل من فين يحدف شوك
طرح البعاد م اليَّم رحلت سفر
موسى وعصى وغلام
وجدار وبيت واليَّم
وسفينه بتعديه
لن تستطيع الصمت ليه !!!
*إني أردت الخوض بأحرفي عنه*
*والقلب رافض مَادي بالاسباب*
#أشجان سلام
"غزل"
وفي الختام أتمنى لكِ دوام التفوق والإبداع والتقدم، وأسعدني جدًا الحوار مع حضرتك.
تعليقات
إرسال تعليق