_أكيد يما، بس لي الحياة صعبة إكدِه؟
_مش صعبه ولا حاجه ياولدي، لازم تفهم سيرها ازاي علشان تبقىَ ماشي مظبوط، كلام الناس عُمرو مكان بيقدم ولا يأخِر، بُص لنَفسك بَقيت ف أخر سنة فالثانويه، إياك إتقول تاني ماقدرش علىَ العلام، هتدخُل كُلية شرطة، إضحك ياواد إحنا معاك ..
_لما جالي ولدِي فالجنينة وقالي إنُ خايف ميجبش مجموع نفرح بيه، فكرني بأيام كُنت بتهرَب مِنها، البِنت عندينا فالبلد ملهاش علام، أخِرها تحضِر الوَكل وتِخدم بيتها، لكِن أنا صممَت علىَ تعليمي، ودخلت ثانوي عام، كُنت أشوف ضي النور مِن أولو لظلام الليل، وأنا قاعده علي الكِتاب، لكِن أبويا مات فأخر سنة، وعمي رَفض أكمِل علامي، جوزني لِولدُ يوسِف، ملامُحه هاديه وجميل كيف القمَر، لكِن مكنش قلبي رايدو، وهو يصوح الدكتور يتجوَز وَحده مخلصاش تعليمها؟!
كانِت صعبه فالأول لكِن يوسف غير نظرتي ليه، عاملني وكإنِ بِنتوا وعوضني بِحنانوا، وبقى معانا تاج وأمير، تاج نوارة البيت، وصلناها لِحلمها وحِلمنا إحنا كمان، حبيبت أبوها بَقت دكتورة زييو، والواد أمير اللِ جاي يقولي معايزش أكمل وإنُ لوحدو قال.
_شوفوا عندي كام سنة؟ الحاجة الوحيدة اللِ عمتلها صح إنِ اتجوزت مريم
_كفاياك كلام معسول يايوسف، وسيب العيال يزاكروا!
_متسبيه يما يحكيلنا، ولا القمر مكسوف؟
_شوف الواد بيتكلم كيف أبوه ازاي؟ طب اي رأيك مش هعملك الكيكه اللِ عايزها
_طب لو سمَحت يابا عايز أذاكِر!
_ضحكنا كُلنا علي طريقتوا وتغيُر كلاموا فلحظة، لكِن البِت تاج كُنت حساها متغيره، مش عوايدها السكوت دَ معانا!
_أخدتها وقعدنا فالبلكونه، بنتِ وعرفاها، أخرها كُبايه شاي بالنعناع وهتحكيلي تفاصيلها.
_مالِك يا تاج، بتحبي ولا أي!
_لي بس يما، أنا بس يعني كنت أاا
_هنجتي ولا أي يابتِ، أحكيلي سمعاكِ، حبيتِ؟
_وسِبت، حبيت وسِبت يمَا، كُنت محافظه عليا قوي، لكِن دايما ألاقي الخلق بتتكلم عن حاجه كدَ إسمها حُب وعِلاقات فيها وِد ومُطرَح لِلراحه، ولأول مرة أسيب كُل قيودي تحرر مِن الخنقه اللِ كنت رابطه نفسي بيها، بس للأسف يما، عرفت معنى القيود وإنِ كُنت صح، عرفت متأخر قوي، الغلط كان مِن عندي، مكنتش عارفه غير إنِ لازم ادخل وأسمع كلام معسول وحِلو، كُنت داخله بِكل قوتي علشان أخد بس .
_كويس عرفتِ إنك صح ياتاج، القيود دِ هي اللِ بتحفظنا من شر وغدر الناس، القيود دِ مبتتفكش فالعلاقات المُحرمه، بتتفك مع أول دقِه حُب حلال، أي شخص يابِت هيدخل علشان ياخد فهو غلط، لو فضلتِ تعملي علشان مستنيه تاخدي مش هتعرفي تكملي ومش هتاخدي، لو فضلتي بردو تدي من غير متاخدي وتفضلي بتعملي ف ألاشيء، العلاقة هتخرَب، لازم يبقى في أعط وأخذ، بتدي وهتاخدي والطرف التاني بيدي وبياخد، كدَ إنتُ الأتنين بتبنوا حُب وعمَار، هي مش حرب يابنتِ، القلوب بين يَد الله يُقلبها كيف يشاء .
_علشان كدَ حبيتك!
_وه! إنتَ بتطلع من فين يايوسف خلعتِني
_يوسف جعان يامريم جعاااان
_ضحِكنا أنا وتاج وأخدتها وعملنا الوَكل"
_الحنية جوا يوسِف مزروعة، مش لقيالها نهايه ولا هلاقي، يُدخل يقولي كلام كيف العسل زييو ويطلع، مكنش بالسهل نكوِن بيت وعيله هاديه وفيها كُل الحب دَ، البِت تاج طيبة، لسه براءه الأطفال جواها، مش غلط إنها جربت وإتعلمت، الغلط لو فضلت متماديه فيه، تاج راسي دِ ..
_النهرضا بعد تَعب مع الواد أمير، النهرضا وأخيراً نتيجه الثانويه .
_ها يابني طمني؟
_يوسف ضغط علي إيدي بأمان وقالي متخافيش"
ها يبني ظهرت؟
أمير بفرحة" 97% اللهم لك الحمدلله اللهم لك الحمد
_فضلنا نزغرط ونحمد ربنا علي عوضوا!
البيت بقَ كلوا بهجه وحُب وفرحة، اللهم لك الحمد يا ألله علىَ كرمك!!
_أثِق فالمُدبِر، ربنا كريم وبيعطي كل واحِد مِن كرموا، متقولش مش هقدر، حاول ومتيأسش لأنك عديت بأصعب، يعني هتقدر، كل الفكرة إنك تحاول، الثانوية هي مرحله زي أي مرحلة، صحيح هتتعب، لكِن الله زي كل مره هيوقف معاك وهيناولك مُرادَك .
متدخلش فعلاقه مُرهقة وتفضل تدي علىَ مفيش، إبنوا إنتُو الأتنين حُب علشان العلاقه تكمَل، صحيح هتقابلوا مصاعِب، ودِي إختبارات علشان تشوفو صِدق المحبة، المُحِب يَدوم .
_النهرضا أمير حقق حلموا، وحلمنا معاه، أمير النهرضا بتشرف بيه وهو داخل كلية شُرطة، وتاج وهي تاج راسي أنا وأبوها، خلصت جامعة طِب وبَقت الدكتورة تاج .
_طب وأنا؟
_ويوسف، ويوسف ليه كُل الشكر علىَ حبوا ليا، بنينا علاقِتنا فحُب الله، ثم المودة وأتقىَ الله فيا، صحيح قابلنا مصاعِب كتير، لكِن قدرنا نتخطىَ الأزمات، كان ومازال خير زوج .
لمريم عمران.
تعليقات
إرسال تعليق