يفنى العمر يا ولدي

بقلم: ساندي شنوده

مش كل الإنجازات ممكن تتشاف 

ممكن يكون إنجازك في إنك تحارب أفكار شريرة مثلاً

أو إنك تتخطى خذلان أقرب الناس ليك 

أو إنك تحارب اليأس اللي نازل عليك بكل قوته 

ممكن يكون الانجاز في إنك تقف وتكمل في الوقت اللي قلبك بيتوسلك فيه عشان تقف 

ممكن يكون الانجاز في إنك تعدي حاجة صعبة مكنش ينفع أو من الصعب جدًا إنك تعديها لوحدك 

ممكن يكون الانجاز في إنك تصالح حد غلط فيك في الوقت اللي عقلك بيقولك أوعَ تعمل كده 

ممكن يكون في إنك تعمل حاجة صح حتى لو عقلك رافضها. بس هي صح

ممكن تكون متتشافش بس ده ميضيعش من كونها 

#إنجازات_عظيمة ♥️🥀