ندي:أنا نازله ياماما
الأم فريده: متتاخريش
ندي: حاضر نزلت ورحت علي البحر علشان بحب اقعد علي البحر وحدي علشان دا مكاني المفضل وافتكرت سليم
- فلاش باك
سليم: أنا هسافر ياندي
ندي بصدمه: بتهزر صح
سليم: لا مش بهزر
ندي بحزن: طب وانا سهل عليك تسيبني
سليم: وانا اعمل أي دا شغل ولازم أسافر
ندي بحزن: يعني الشغل أهم مني.
سليم بتبرير: لا أنا مقولتش كدا.
ندي: بس كلامك بيقول كدا
سليم: معلش كلها سنة أو سنتين
ندي: ماشي يا سليم براحتك
سليم: همشي أنا علشان اجهز
ندي بحزن شديد: ماشي
سليم: مش هتروحي
ندي: لا هقعد شوية
سليم: ماشي يلا سلام
ندي: سلام
-أنا تعبت بجد مش عارفة هوا ازاي قدر يبعد عني.
-في البيت.
ندي:ماما أنا جيت
فريده: ماشي غيري هدومك وتعالي علشان تاكلي معاناة
ندي: حاضر
الأخت ريتاج: كنتي فين
ندي: روحت قعت علي البحر شوية
ريتاج: مش هتبطلي تروحي علي البحر تاني
ندي: مش عارفة سبيها علي الله
ريتاج: ونعمه بالله
ندي: انزلي علشان ماما جهزت العشا
ريتاج: ماشي أنا هنزل قدامك
ندي: ماشي
ريتاج: ماما
فريده: أيوا ياريتاج أنا هنا في المطبخ
ريتاج: بتعملي ايه
فريده: بشوف الأكل خلص ولا لسه
ريتاج: ماشي يا حبيبتي
فريده: يلا احنا وسهام هنجيب الأكل
ريتاج: يلا
شريف: عاملين أي يا بنات
ندي و ريتاج: الحمدلله
فريده: شريف خطوبة لارا آخر الأسبوع
شريف: خلاص جهزوا حجاتكم وشوفو عايزين تسافروا امتا وعمرو وشادي يجهزوا العربية
عمرو وشادي: خلاص ماشي
ندي وريتاج: تمام
فريده: يلا بقا كلو
الكل: يلا
* بعد مرور يومين
فريده: يلا يا بنات اتاخرنا
ندي وريتاج: أهو ياماما خلصنا ونزلين
عمرو: يلاا بقا اتاخرنا
فريده: أهو يا حبيبي خلصنا خد الشنط دي يا شادي: هاتي ياماما
فريده يلاا يا بنات
* بعد ما وصلنا القاهرة
فريده: السلام عليكم ورحمة الله وبركاته
مريم: وعليكم السلام ورحمة الله وبركاته
فريده بتحضن مريم: عامله أي يا حبيبتي
مريم أخت فريده: الحمدلله يا حبيبتي انتي عامله أية
فريده: الحمدلله أمال فين لارا
مريم: فوق أمال فين العيال
فريده: بيجيبو الشونط من العربية
ندي و ريتاج: احنا جينا
مريم: نورتو ياحبايب قلبي عاملين أية
ريتاج بتحضن خالتها: الحمدلله انتي عامله أي ياخالتو
مريم: الحمدلله يا حبيبتي
ندي بتحضن خالتها: عامله ايه ياخالتو
مريم: الحمدلله يا حبيبتي
ندي و ريتاج: فين لارا ياخالتو
مريم: فوق في اوضتها
* طلعوا البنات فوق عند لارا
ريتاج وهيا بتحضن لارا: عامله ايه
لارا: الحمدلله انتي عامله أي
ريتاج: مبروك يا حبيبتي
لارا: الله يبارك فيكي
ندي وهيا بتحضن لارا: عامله إيه يا حبيبتي مبروك
لارا: الحمدلله يا حبيبتي الله يبارك فيكي
-تحت
عمرو وشادي: أي مفيش حضن لينا ولا أي
مريم: يا حبايبي انتو جيتو
عمرو: آه احنا نقدر منحضرش خطوبة أختنا
مريم: حبايبي عبالكم يارب
عمرو وشادي بطريقة كوميدية: يا رب
* الكل ضحك
مريم: يلا اطلعوا خدو دش وغيروا هدومكو وتعالوا علشان الأكل ميبردش
الكل: ماشي
* بعد شوية الكل نزل
لارا: نورتونا والله ياخالتو
فريده: حبيبتي دا نورك
عمرو وشادي: مبروك يا لارا: الله يبارك فيكم عبالكم
عمرو وشادي: تسلمي
* تاني يوم إلى هوا يوم الخطوبة
مريم: يلا يا بنات اجهزوا علشان ميكب آرتست جايه في الطريق
البنات: حاضر
لارا بتكلم صحابها: يلا يا بنات علشان ميكب آرتست جايه
بسنت وجوري: ماشي يا حبيبتي احنا في الطريق أهو
لارا: ماشي متتاخروش
جوري: ماشي يا حبيبتي سلام
لارا: ماشي سلام
لارا: يلاا احنا نطلع لحد ما البنات يجو
ندي و ريتاج: يلاا
لارا: احنا طلعين فوق ياماما ولما بسنت وجوري يجو خليهم يطلعوا
مريم:ماشي يا حبيبتي
فريده: يلاا احنا كمان نجهز يلاا ياعمرو اجهز أنت وشادي علشان منتاخرش
عمرو وشادي: ماشي يا ماما
بسنت وجوري جم: إزيك يا طنط
مريم: الحمدلله يا بنات يلا لارا مستنياكم فوق وميكب ارتست لسه جايه قدامكم
بسنت وجوري: ماشي احنا طلعين
مريم: ماشي
بسنت وجوري: احنا جينا
لارا بتسلم عليهم: وحشتوني
بسنت وجوري: انتي أكتر يا عروسه مبروك يا قلبي
لارا: الله يبارك فيكم يا حبايبي
* تحت
مريم: يلاا احنا كمان نجهز
فريده: يلاا
* فوق عند البنات مبسوطين وبيغنو وبعد تلات سعات خلصوا
مريم: خلصتو يا بنات
البنات كلهم: آه
ندي: أنا رايحة أجيب حاجه من الأوضة وجايه
ريتاج: استني آجي معاكي
مريم: متتاخروش علشان العريس علي وصول
ندي: لا مش هنتاخر
مريم: ماشي يا حبيبتي
* ندي وريتاج مشيو والعريس جه واخد لارا ونزلين وسط هيصه من أهل العروسة الكل فرحان وركبوا العربيات
ندي: يلا ياريتاج العريس جه واخد لارا
ريتاج بتكلم ندي: ماشي أنا خلصت أهو
ندي: ماشي يلاا
فريده: اتأخرتو ليه
ندي: كنت بجيب الشنطة بتعتي
ريتاج: وانا غيرت الهيلز علشان رجلي مكنتش مرتاحة في الهيلز العالي
فريده: ماشي يلا بقا
ندي و ريتاج: يلاا
* وصلوا القاعة
ندي: يلا احنا نبركلهم ونشوف العريس
ريتاج: يلا
ندي: احنا ريحين عند لارا نبركلها ياماما
فريده: ماشي يا حبيبتي
* ندي شافت العريس واتصدمت
ندي بتكلم نفسها:مش معقول هواإلىيأناا شيفه دا حقيقي
ريتاج: ندي انتيقويةه يلاا
ندي بابتسامه كلها حزن: يلا
ندي بتحضن لارا:مبروك يا قلبي
لارا بفرحه: الله يبارك فيكي يا حبيبتي
ندي بتكلم العريس: مبروك
سليم: الله يبارك فيكي
ريتاج بتحضن لارا: مبروك يا قلبي
لارا: الله يبارك فيكي يا حبيبتي
* رجعوا قعدوا مكانهم
ندي: ماما أنا رايحة الحمام
فريده: ماشي
* ندي في الحمام بتكلم نفسها معقول في السنة دي نسيتني خلاص ووعدك ليا إنك مش هتسيبني وهتفضل جمبي نسيت كل دا
*فلاش باك
سليم: أنا بحبك وعمري ما يبعد عنك
ندي: وانا كمان بحبك ومش هبعد عنك
سليم: كلها بس سنتين أو تلاته واجي اخطبك
ندي بفرحه: بجد يا سليم: أكيد يا قلبي
ندي بفرحه: أنا بحبك كتير
سليم: وانا بموت فيكي
ندي مبسوطة جدا: عارف أنا مش متخيلة أن دبلتك هتكون في أيدي
سليم: عارفة دا هيكون احلا يوم عندي
ندي: هيكون أسعد يوم في حياتي
سليم: أكيد يا حبيبتي
* باك
* ندي بتمسح دموعها آه يوجع قلبي زبطت نفسها ورجعت القاعة
* البنات بترقص وفرحنين
* بعد أكتر من تلت سعات خلصت الخطوبة وروحوا
* تاني يوم
فريده: يلاا ياحبايبي جهزوا نفسكم علشان هنرجع إسكندرية النهارده
عمرو وشادي وندي وريتاج: ماشي يا ماما
* بعد شوية جهزوا ومشيين
فريده: يلاا يا مريم عايزة حاجة
مريم: لا يا حبيبتي عايزة سلامتك كنتو قعدتو شوية
فريده: معلش يا حبيبتي مرة تاني
مريم: ماشي يا حبيبتي توصلوا بسلامه
فريده: الله يسلمك
* سلمو كلهم على بعض
* في إسكندرية عند شريف في المكتب
شريف بيكلم فريده: انتو فين دلوقتي
فريده: لسه وصلين أهو
شريف: ماشي وانا جاي
فريده: ماشي
* الكل في الفلا بيتغدو
شريف: ندي جهزي نفسك علشان في واحد متقدملك
ندي بحزن: حاضر يا بابا
فريده بتكلم شريف: هيجو أمتي
شريف: بكرا
فريده: ماشي
*تاني يوم
عمرو بيكلم باسم في التلفون: أي هتيجي النهارده
باسم بفرحه: آه يا عم عبالك
عمرو: تسلم يا حبيبي
باسم: اقفل أنا علشان اجهز
عمرو: ماشي عايز حاجه
باسم: شكرا يا حبيبي
* في اليل
فريده بتكلم ندي: خلصتي يا حبيبتي ولا لسه
ندي بحزن: آه يا ماما
شريف بيكلم فريده: ندي خلصت علشان باسم علي وصول
فريده: آه خلصت
شريف: ماشي
* جه باسم
أبو باسم: السلام عليكم ورحمة الله وبركاته
شريف وعمرو وشادي: وعليكم السلام ورحمة الله وبركاته
شريف: اتفضلو شرفتونا
أبو باسم: الشرف لينا
* دخلوا وقعدوا في الصالون بتاع الضيوف
أبو باسم: احنا جيين نطلب إيد بنتك ندي لي ابني باسم
شريف: أنت عارف لو بأيدي أنا هوافق بس القرار في الآخر يرجع لندي علشان دي حياتها
أبو باسم: أكيد
شريف بيكلم فريده: اندهي ندي تيجي بالعصير
فريده: ماشي
فريده بتكلم ندي: يلا يا حبيبتي دخلي العصير
ندي: ماشي
* بعد شوية خلصوا وباسم وباباه مشيو
* تاني يوم
شريف: ندي قلتلك حاجه
فريده: لا لسه أنا هسالها
شريف: ماشي
* فريده طلعت فوق
فريده: ندي: أي ياماما
فريده: أي رأيك يا حبيبتي في باسم
ندي: مش موفقه
فريده: لي يا حبيبتي دا شاب كويس
ندي: وانا مش موافقة
فريده: خلاص يا حبيبتي
ندي: أنا هلبس وهروح الكلية
فريده: ماشي يا حبيبتي
* ندي لبست وراحت الكلية وخلصت المحاضرات إلى عندها وراحت علي البحر
ندي بحزن يا معقول إلى حصل دا بجد أنا تعبت
وفجأة سمعت صوت من ورها
...........: أنا جمبك وعمري ما هسيبك
ندي بصدمه: أي دا أنت أي إلي جابك هنا
.......: أنا جاي هنا علشان اقولك أنا بحبك
ندي: أنا أسفة
.........: متتاسفيش أنا عارف كل حاجة
ندي باستغراب: عارف أي
...........: عارف إن انتي كنتي بتحبي وحد وهو خطب غيرك
ندي استغربت أكتر: وانت عرفت منين
.......: تسمحيلي اقعد واحكيلك كل حاجه
ندي: اتفضل
........: أنا بحبك من زمان وكنت عارف إنك بتحبي سليم ف مردتش أكلمك ولا اعمل أي حاجه وأول لما عرفت إنو خطب قولت لازم تعرفي إني بحبك وأنا هاجي اتقدملك وحتى لو رفضتيني هاجي تاني وتالت لحد ما توافقي
*ندي مش عارفة ترد تقول أي
........: أنا عارف انك مش لقيه رد تقوليه بس إلى حابب اقلهولك اديني فرصه وأوعدك إني هكون العوض ليكي
ندي: مش سهل عليا لاني بجد تعبانة
...........: وانا هفضل جمبك
ندي: تمام
بعد مرور شهر
باك*
يوم خطوبة ندي وباسم
في الخطوبة ندي لبست فستان لونه سماوي هادي وكانت قمر
باسم:أنا بحبك اووي ياندي ومش مصدق أنك وفقتي
ندي بكسوف: وانا كمان
باسم: وانتي كمان أي
ندي: خلاص مش هقول
باسم: وحياتي عندك قولي بقا
ندي بكسوف: وانا كمان..... وانا كمان بحبك
باسم:بحباااااااااااااك
نسيت أقلكم إن إلي كان واقف مع ندى علي البحر دا كان باسم
الذي يحبك هوا من راي فيك تسع وتسعون عيبًا وخصلة جميله فأحب الخصلة وترك العيوب
بقلم : ندي شعبان
تعليقات
إرسال تعليق