لملم شتات مشاعرك

 "أنا وأنت"

_وبعدين؟

وبعدين إي!!

_وبعدين فحالتنا دي اللي ولا منها قرب ولا تعتبر بعد،

_وبعدين في كلامنا مع بعض اللي كله ألغاز وكإننا في تحدي مين هيشوش التاني أكتر،

_وبعدين فسكوتنا اللي طال،

_وبعدين فشوقنا ووجعنا لما نفتكر أو نشوف بعض،

_وبعدين فكم المشاعر اللي عمالين نكبتها ونضغط عليها عشان متفضحناش،

_وبعدين فحبنا اللي محدش مننا معترف بيه وكله ألغاز وتلميحات ورسايل مشفرة،

_رديت عليك قلي باة وبعدين؟!

أقلك أنا مش يمكن مبقربش ولا ببعد عشان أعطيكي مساحتك الكافيه، عشان أعطي فتره لمشاعرنا تثبت نفسها كويس، عشان أخلي كل واحد فينا قدامه مسمي للي إحنا فيه.

،مش يمكن كلامنا كله ألغاز عشان كل واحد فينا خايف يعترف ويتخذل، خايف يقول كلمه متعجبش التاني، خايف يزود إهتمام فيمل أو يقلل إهتمام فيمشي.

مش يمكن شوقنا ده اللي هيخلينا نعرف غلاوة بعض، مش يمكن هو اللي هيخلي كل واحد يعرف مكانة التاني إي ويحددها صح.

مش يمكن حبنا كله رسايل مشفرة عشن لسه مجاش الوقت اللي تتفك، مش يمكن في حكاية طويلة ورا كل سؤال فعقولنا بس مخليينه لبعدين، مش يمكن كل ده يكون لهدف أكبر، مش يمكن كل ده يكون نهايتة حب، إعتراف، مسكه إيد، وحضن دافئ،

 مش يمكن!.

الـكـاتـبـه: زهـرا وائـل.