البحر وحكاياته

 "ليه البُعد؟" 

قفشتك بتعملي ايي

بردو؟ مش هتبطلي اللي انتي بتعمليه دا؟ يبنتي حرام عليكي والله اللي بتعمليه في نفسك دا كل م اجيلك الاقيكي في الاكونت بتاعه، عارفة انك عندك أمل انكو ترجعو وعارفة ان اللي بينكو مش سهل يتنسي بس مش معنى كدا انك توقفي حياتك كدا حبيبي خدي وقتك في زعلك واحترميه بس مش معنى كدا انك تهملي في دراستك وتعيشي على الأمل دا بس عارفة؟ انتي لو بينتيله ان الحوار مش فارقلك وانك عيشتي حياتك هيرجعلك تاني والله

-تفتكري؟

-انا عمري قولتلك حاجة ومحصلتش؟

بصراحة لا

طب يلا يحبيبي قومي صلي ركعتين وادعي انه لو خير ليكي ترجعو تاني وانا واثقة من دا ان شاء الله

حاضر... نور بقولك اي

قولي يحبيبي

هاتي حضن

بس كدا! عيوني تعالي يحبيبي

شكراً يـ نور شكراً بجد انا مش عارفة اقولك اي محدش استحملني غيرك رغم اني اتنشن وانتي عمرك م يأستي انك تنصحيني وتحاولي ترجعيني لشغفي انا بحبك اوي

وانا كمان والله بحبك يقلب نور ومفيش شُكر بنا يوسخة، يلا قومي وانا مستنياكي اهو

ريما ازيك، وحشتيني.. عارف انك دلوقتي مقفولة مني ومن اللي عملته لو مشاعرك ماتت من ناحيتي فـ دا حقك بس انا والله بحبك لو مش حابة تردي فـ انا بردو مش هلومك حقك، بس حقيقي انا معداش يوم حلو في حياتي من وقت فُراقنا مش عارف انا ازاي كنت غبي وخسرتك انا خسرت نفسي قبل م اخسرك، ندمان عن اللي انا عملته بس انا عارف انك قلبك طيب وهتسامحيني صح؟ انا كلمتهم في البيت واتفقنا اني اجيلك مع بداية الشهر الجاي ولو مش موافقة فـ انا وراكي لحد م توافقي اصل انتي مش هتكوني لغيري

انا بخير انت عامل اي؟

مش بخير عشان انتي مش في حياتي

ممكن تردي على كلامي عشان ردك هيفرق معايا؟

عارف؟عديت النهارده من قدام مكانا فضلت واقفه وصوت اول مره واحنا بنسيب بعض من تلات سنين وانت واقف بتقولي عايزه تبعدي لي وانا عايزه اقولك خلاص مش عايزه ابعد بس كنت بتبارد عليك كنت حابه انك ماسك فيا ولما عيطت وانت بتقولي خلاص انا عمري م هقدر ابعد حتي لو انتي عايزه تبعدي مش هسيبك ، ضحكت وعيني دمعت ومشيت روحت حطيت راسي علي المخده وانا سامعه صوتك وانا محتجاك وانت مش مهتم كنت بحط ايدي علي ودني مش عايزه اسمع صوتك ، فضلت اتقلب علي السرير وبعيط ، مهو مش طبيعي انسى خمس سنين من عمري!! انساك ازاي؟ 

مشيت وسبتلي كل حاجه تفكرني بيك ازاي بعدت عني بعد م عودتني اهربلك، ازاي شوفت حُبي ضعف وانا اصلا ضعيفة من غيرك، طول عمرك كنت حنين يوم م فكرت تقسى قسيت عليا انا؟

انا آسف والله اني كنت جزء من حُزنك في وقت انتي مش مستحملاني فيه، آسف اني بعدت من غير اي أسباب وسيبتك لتفكيرك ودماغك انا غلطان وجاي دلوقتي ندمان اهو وبرومس والله مش هعمل اي حاجة تزعلك مني تاني ممكن كفاية زعل وتسامحيني؟

مش عارفة اقولك اي بجد بس دي آخر فرصة هديهالك بجد انا مش حِمل اي وجع تاني والله

وحشتيني اوييي

وانت كمان اوي بجد

-عدي على فُرقنا 1100 يوم وتلات ساعات تخيلي عايش كل دا مش عارف استمتع بـ لحظة واحدة حتى عشان انتي مش فـ كل تفاصيلي زي م انا متعود وعشان كل خطوة باخدها في حياتي مش باخد رأيك فيها، تخيلي طول المُدة دي معملتش ولا إنجاز ولا حاجة افتخر بنفسي فيها ولا كنت لاقي حد يشجعني ويكون فخور بيا على اتفهه الأسباب زي م انتي كنتي بتعملي معايا، تلات سنين بحاول انساكي بس اكتشفت ان كل يوم حُبي ليكي في بيزيد اكتر حتى فـ البُعد

شش انا دلوقتي هنا اهو وانا فخورة بيك انك عديت كل دا ولسة صامد والله، انا بحبك اوي

وانا كمان بحبك اوي يريما

ها قولتلي بقى هتيجي امتى؟

للأسف مش هستحمل لأول الشهر انا جايلك يوم الخميس الجاي، عرفيهم في البيت يحبيبي

-وحشتني كلمة حبيبي دي منك اوي وحشتني كل تفاصيلنا

انا رجعت اهو وهعوضك عن كل كدا يروحقلبي

ريماااا

ريماااا رددييي

اي في اي

فاضل 10 ساعات وهبقي مع بعض!!! انا مش مصدق نفسي، أخيراً حلم تمن سنين هيتحقق!! ريما انا فرحان اوي

وانا والله مش عارفه انام من كتر الفرحة وانا كمان بحبك

-انتي هتلبسي اي، الدريس لونه اي

بيبي بلو

طيب اي رأيك البس قميص بيبي بلو وبنطلون ابيض هيبقى لايق صح؟

اه يحبيبي هيبقى جميل اوي وهيبقي أجمل ماتشينج

يلا طيب نحاول ننام عشان يومنا طويل بكرة

يلا يحبيبي تصبح على خير يكل خيري

تصبحي على خير وانتي من اهلي يروحقلبي

مُبارك يحبايب قلبي فرحانة ليكم اوي بجد وشكلكو عسل اوي

نور والله مش عارفه اقولك اي، لولا انك كنتي جمبي في كل خطوة مكنتش وصلت لكل دا شكراً على وجودك اللطيف يحبيبت قلبي

شش سيبك من نور دلوقتي ويلا تعالي نخرج ونعوض كل اللي فاتنا

هي بقت كدا يعني؟ طب والله هاجي معاكو يلا بقى

حبيبي ممكن تيجي معانا؟

والله؟ طيب ماشي تعالي يبومة تعالي وربي هوريكي تبقى تعترضي على حاجة واحنا برا امشي يلا امشي

متزوقش يلا وعلى فكرة غصب عنك كدا كدا مش بمزاجك اخرج ولا لا

خلاص بقى خلاص حقكو عليا انا اهدو هتفضحونا هنا كمان؟

خلاص يحبيبي ماشي عشان خاطرك بس 

بحبك اوي 

وانا كمان يقمري

'يتعافى المرء بزواج ممن يُحب'

... 

الكاتبة: ريم وليد.